தமிழக அரசின் சிமென்ட் இறக்குமதி திடீர் நிறுத்தம்?

சென்னை, ஜூன் 13: தமிழக அர சின் சிமென்ட் கழகம் (டான் செம்) தமிழ்நாடு நுகர்பொருள் வாணிபக் கழகம் சார்பில் மேற் கொண்ட சிமென்ட் இறக்குமதி தற்போது திடீரென நிறுத்தப்பட் டுள்ளது.

இறக்குமதி சிமென்ட்டை பெறுவதற்காக செலுத்திய பணத்தை டான்செம் மற்றும் நுகர் பொருள் வாணிபக்கழகம் ஆகியவை திருப்பி அளித்து வருவ தாக கட்டுமானத் துறையினர் தெரிவித்தனர்.

தமிழகம் உள்ளிட்ட பல்வேறு மாநிலங்களில் முன்பு எப்போதும் இல்லாத வகையில் சிமென்ட் விலை கடந்த ஆண்டு அதிகரித் தது. இதனால், தனியார் மற்றும் அரசு திட்டங்களுக்கான கட்டுமா னப் பணிகள் முடங்கும் நிலை ஏற் பட்டது.இந்நிலையில் தமிழக அரசின் அரசுடைமை எச்சரிக்கையை அடுத்து, ஒரு மூட்டை ரூ. 200 விலையில் குறிப்பிட்ட அளவுக்கு சிமென்ட் வழங்க தனியார் சிமென்ட் ஆலை அதிபர்கள் முன் வந்தனர்.

இந்த சிமென்ட் அனைத்து மாவட்டங்களில் உள்ள தமிழ் நாடு நுகர்பொருள் வாணிபக்கழ கத்தின் கிடங்குகள் மூலம் விற் பனை செய்யப்படுகிறது.இது தவிர அதிக அளவில் சிமென்ட் வாங்கும் கட்டுமான நிறுவனங்கள் ஒரு மூட்டை ரூ.160 விலையில் பெறுவதற்காக மத் திய அரசின் எம்.எம்.டி.சி. மூலம் இறக்குமதி சிமென்டை டான் செம் நிறுவனம் சென்னை, தூத் துக்குடி துறைமுகங்கள் மூலம் தொடங்கியது.

மேலும், தமிழ்நாடு நுகர்பொ ருள் வாணிப கழகத்தின் சார்பில் தமிழ்நாடு சிமென்ட் கழகம் (டான்செம்) வெளிநாடுகளில் இருந்து நேரடியாக இறக்குமதி செய்யும் சிமென்ட் ஒரு மூட்டை ரூ. 220-க்கு விற்பனை செய்யப்ப டும் என அரசு அறிவித்தது.

இதை சென்னை, திருவள்ளூர், காஞ்சிபுரம், தூத்துக்குடி, திரு நெல்வேலி, கன்னியாகுமரி ஆகிய மாவட்டங்களில் உள்ள தமிழ் நாடு நுகர்பொருள் வாணிபக் கழ கத்தின் கிடங்குகளில் எந்த நிபந்த னையும் இன்றி மக்கள் பெறலாம் என்றும் அறிவிக்கப்பட்டது.

அரசின் இந்த நடவடிக்கையை அடுத்து வெளிச்சந்தையில் ஓபிசி 43 கிரேடு சிமென்ட் ஒரு மூட்டை விலை ரூ.235-ஆக குறைந்தது.அரசின் அறிவிப்பின்படி முதல் மாதத்தில் சென்னை துறைமுகத் துக்கு 1,250 டன்களும், தூத்துக் குடி துறைமுகத்துக்கு 1,250 டன்க ளும் சிமென்ட் வந்தன.

இவ்வாறு, இறக்குமதி சிமென்டை பெற அரசு அறிவித்தபடி கட்டுமான நிறுவனங்கள் மற்றும் சிமென்ட் விற்பனையாளர்கள் முன்பணம் செலுத்தினர்.முதலில் இந்தத் தொகையை டான்செம் நிறுவனம் நேரடியாக வாங்கியது. இதன்படி குறிப் பிட்ட சில மாதங்கள் மட்டும் இறக்குமதி சிமென்ட் கிடைத்தது.

சிமென்ட் கிடைக்கவில்லை:

கடந்த சில மாதங்களாக டான் செம் நிறுவனம் இறக்குமதி சிமென்ட்டை வாங்க விரும்பு வோரிடம் இருந்து புதிதாக முன்ப ணத்தை வாங்க மறுத்தது. இந்தத் தொகையை நுகர்பொருள் வாணி பக் கழகத்திடம் செலுத்துமாறு டான்செம் அதிகாரிகள் தெரிவித் தனர்.

நுகர்பொருள் வாணிபக் கழகத் திடம் முன்பணம் செலுத்தியவர்க ளுக்கு சிமென்ட் கிடைக்க வில்லை. இது குறித்து அதிகாரிக ளிடம் விசாரித்த போது முன்ப ணம் திருப்பி அளிக்கப்பட்டது என தமிழ்நாடு அடுக்குமாடி மற் றும் வீடு கட்டுவோர் சங்கத்தின் மாநிலத் தலைவர் பி. மணிசங்கர் தெரிவித்தார்.

பாகிஸ்தானில் சிமென்ட் விலை அதிகரித்துள்ளதால் சிமென்ட் இறக்குமதி தடைப்பட் டுள்ளது. எனவே, இறக்குமதி சிமென்ட்டுக்காக செலுத்திய முன்பணத்தை திரும்ப அளிக்கப் படுவதாக நுகர்பொருள் வாணி பக் கழக மற்றும் டான்செம் அதி காரிகள் கூறுகின்றனர் என இந் திய கட்டுமான வல்லுநர் சங்கத் தின் தென்னக மையத் தலைவர் எம்.கே. சுந்தரம் தெரிவித்தார்.

அரசு அறிவித்தபடி வெளிநாடு களில் இருந்து நேரடியாக சிமென்ட் இறக்குமதி நடைபெறு வது நிறுத்தப்பட்டுள்ள நிலையில் உரிமம் பெற்ற தனியார் நிறுவனங் கள் நேரடியாக இறக்குமதி செய் யும் முயற்சிகளில் ஈடுபட்டுள்ளன.

அதிகாரி பதில்:

சிமென்ட் இறக்குமதி தொடர்பான அனைத்து ஆவணங்களும் தமிழ் நாடு நுகர் பொருள் வாணிபக் கழ கத்திடம் அளிக்கப்பட்டுள்ளது.சிமென்ட் இறக்குமதி தொடர் பாக முடிவெடுக்க வேண்டிய அதி காரம் நுகர் பொருள் வாணிபக் கழகத்திடம் அளிக்கப்பட்டுள்ள தால் இந்த விவகாரத்தில் எந்த பதி லும் கூறுவதற்கில்லை என டான் செம் நிறுவனத்தின் தலைவர் மற் றும் நிர்வாக இயக்குநர் கே. சத்ய கோபால் தெரிவித்தார்.

காரணம் யார்?

இறக்குமதி நிறுத்தம் காரணமாக சென்னை உள்பட தமிழகத்தின் பல்வேறு நகரங்களில் ஒரு மூட்டை சிமென்ட் விலை ரூ. 270-ஆக அதி கரித்துள்ளது. தனியார் ஆலை அதிபர்கள் தலையீடு காரணமா கவே இறக்குமதி நிறுத்தப்பட்டுள் ளதாக கட்டுமானத் துறையினர் குற்றம்சாட்டியுள்ளனர்.